تعمل ايه لو قابلت واحد كدا ؟؟

مرة واحد ماشى فى الشارع
قابل واحد كدة مش على بعضة جاى علية بيقولة
لو سمحت من فضلك قلعنى الجاكيتة

فالأول:قالة نعم؟

التانى :قلعنى الجاكتة بسرعة بسرعة

الأول:حاضر ..حاضر.........وراح مقللعة الجاكيتة

التانى:لو سمحت بقى قلعنى الجرافتة

الأول:اية؟

التانى: الجرافتة .....الجرافتة بسرعة

الأول:حاضر حاضر
وراح مقلعة وهو مستغرب أوى
ها ياسيدى اى خدمة تانية

التانى:معلش فكلى زراير القميص

الأول:لااااا دة انت زودتها أوى

التانى :من فضلك فكها بسرعة ارجوك

الأول: أوووووف واّدى زراير القميص فكتها
دة اية اليوم المهبب دة
ها أى اوامر تانية

التانى:قلعنى بقى القميص


الأول:ياسيدى عيب مايصحش كدة
دة احنا فى الشارع خللى عندك دم
لاحول ولا قوة الا بالله

التانى:أرجوك بسرعة مافيش وقت
الأول:دى وقعت اية المهببة دى
وادى ياسيدى القميص
ها اية تانى

التانى:ارسملى على ظهرى خطوط بالطول وخطوط بالعرض

الأول:حسبى الله ونعم الوكيل
انت مجنون ياراجل انت؟

التانى:من فضلك ارجوك

الأول:اّدى زفت بالطول وزفت بالعرض

التانى:رقملى بقى المربعات اللى طلعت دى
من 1 الى 40

الأول:بقى انت معطلنى كل دة علشان تلاعبنى سيجا على قفاك؟؟؟

التانى:بسرعة لوسمحت..ارجوك رقمهم..من فضلك مش قادر

الأول:أدينى رقمتهم

التانى:لو سمحت بقى أهرشلى فى المربع رقم33